O vindeiro luns 23 de xuño, dará comenzo o I Trivial da igualdade organizado polo CIM de Teo.
O Trivial da igualdade é unha iniciativa que consiste nun xogo de preguntas e respostas sobre a igualdade entre mulleres e homes. O xogo ten a intención de promover a igualdade de oportunidades así como a de sensibilizar e educar á poboación en materia de igualdade.
O xogo terá tres áreas temáticas: Violencia de xénero, políticas de igualdade e conciliación da vida persoal, familiar e laboral.
As bases do xogo publicaránse no blog o longo desta semana.
Entre as persoas gañadoras sortearase unha cesta de productos de baño (foto).
O martes 10 de xuño saleu publicado no DOGA a Orde do 29 de maio pola que se regulan as axudas económicas para atención da primeira infancia a través do cheque infantil en escolas infantís 0-3 non sostidas con fondos públicos e se procede á súa convocatoria.
O prazo de presentación rematará o vindeiro 10 de xullo.
O mércores 11 de xuño rematou o curso de movilizacións de pacientes impartido pola Cruz Roxa no colexio da Ramallosa. As participantes amosaron unha grande satisfacción polos coñecementos acadados.
O Instituto da muller convocou unha subvención para o emprego "emprender en feminino". A finalidade desta subvención é fomentar a actividade empresarial feminina e conseguir mellorar a inserción laboral das mulleres. A cuantía das subvencións oscilará entre un mínimo de 6000€ e un máximo de 12000€.
O prazo de presentación da documentación rematará o vindeiro 30 de maio.
A información esta publicada no BOE número 121 do 19 de maio de 2008
O servicio galego de promoción da igualdade do home e da muller publicou no DOGA do 8 de maio a resolución do 30 de abril pola que se convocan estadías de tempo libre para mulleres soas con responsabilidades familiares non compartidas. O obxecto desta resolución é facilitarlles ás mulleres con fillas ou fillos ó seu cargo un espazo e un tempo de ocio desligado da súa situación cotiá. A duración da estadía será de oito días en réxime de pensión completa durante a primeira semana do mes de xullo.
O prazo para solicitala remata o vindeiro 21 de maio
Resolución do 10 de abril de 2008 que se establecen as bases reguladoras que rexerán as axudas e subvencións para o retorno á formación das mulleres que abandonaron o proceso educativo para seren nais e e se procede á súa convocatoria.
Poderán ser beneficiarias destas axudas as mulleres inactivas ou desempregadas que accedan ao sistema educativo logo dun período por mor da maternidade, a través da matrícula oficial nun ciclo medio ou superior, universitario ou de formación profesional, e cuxos ingresos da unidade familiar sexan inferiores ao quíntuplo do indicador público da renda e efectos múltiples (IPREM) para o ano 2008, e que cumplan os requisitos exixidos no artígo 10 da lei 9/2007, do 13 de xuño, de subvencións de Galicia.
O prazo de presentación remata o 24 de maio de 2008
O vindeiro 14 de maio comenza o curso de Movilización de pacientes impartido pola cruz roja e organizado polo CIM de Teo. O curso terá unha duración de 20 horas e esta dirixido a aquelas mulleres que teñan algunha persoa dependente e con problemas de movilidade ó seu coidado. Vaise a levar a cabo no salón de actos do colexio da Ramallosa tódolos mércores dende o 14 de maio ata o mércores 10 de xuño en horario de 16:30 a 20:30. O curso é gratuito e a inscripción farase dende o 25 de abril ata o 12 de maio no CIM de Teo.
O Ministerio de traballo en colaboración co Instituto da muller, abreu o prazo para solicitar cursos de formación en informática:
- Windows XP e Internet
- Contaplus
- Microsoft Office
- Creacion de Páginas Web
O Programa de Teleformación, impulsado polo Instituto da Muller, persigue un doble obxetivo: por un lado, acercar o mundo das Novas Tecnologías ás mulleres e, por outro lado, adaptar os coñecementos das mulleres ás modificacions que as Novas Tecnoloxías da Información e da Comunicación impoñen no mercado laboral.
Características dos cursos:
Os cursos, desenrolados a través de Internet, contan con profesorado, tutorias individualizadas que prestarán asistencia técnica e metodolóxica ós alumnos.
Son Cursos gratutitos, só é necesario ter equipamiento informatico e acceso a internet
Solamente se poderá optar a un curso por convocatoria
CURSOS GRATUÍTOS
O día 15 de abril rematou o curso de informática para mulleres organizado polo CIM en colaboración ca aula de informática do Concello de Teo. As mulleres mostraron o seu interese en seguir formándose nas novas tecnoloxias e poranse en marcha novas actividades nos vindeiros meses.
Noraboa
Saleu publicado no DOGA do 10 de abril de 2008 a resolución pola que se regulan as bases para a concesión da axuda económica establecida para mulleres que sofren violencia de xénero que teñan especiais dificultades para obter un emprego.
O prazo de presentación rematará o 30 de novembro de 2008
http://www.xunta.es/Dog/Dog2008.nsf/FichaContenido/16526?OpenDocument
O CIM
O CIM está no Centro de Servizos Sociais da Ramallosa, no segundo andar. O seu horario é de 9:00 a 14:00 horas tódolos días da semá. O horario de atención psicolóxica é os martes e xoves de 9:00 a 14:00 e o de atención xurídica é os luns e mércores de 9:00 a 14:00 horas. Ambolos dous servicios son con previa cita que se pode pedir chamando ó número de teléfono do Concello de Teo.
.JPG)
