Esta fin de semana comenzan os actos previstos para conmemorar o ´25 de novembro, Día Internacional da eliminación da violencia de xénero. O primeiro dos actos é o obradoiro de "Ser home por un día" que se levará a cabo esta fin de semana.

O mércores 24 ás 19:00 horas terá lugar unha charla do Doutor Rosendo Bugarín, médico de familia do Centro de saude de Calo, na Antiga escola da Tomada- A Igrexa-Calo. Na charla falaremos dos aspectos sanitarios da violencia de xénero.

O xoves teremos ás 17:30 a presentación do II Plan de Igualdade do Concello e logo a proxección do documental "Señora de" na mediateca do Grilo.

O venres ás 21:00 teremos tamén na mediateca do Grilo, a actuación musical de Paloma Suances e o sábado ás 20:00 no contro sociocultural da Ramallosa, a representación teatral de "Acto imprevisto".

Durante toda a semana faremos diversos actos nos centros educativos do Concello para seguir traballando coa nosa xuventude nun cambio na ideoloxia e na actitud cara esta problemática.

Anímovos a todas e todos a participar nos actos e a traballar diariamente para conseguir erradicar esta lacra do século XXI.