Hoxe publícanse no DOG a resolución do 30 de xullo de 2010, da Secretaría Xeral de Igualdade, das subvencións destinadas a entidades de iniciativa social para o desenvolvemento de programas de apoio a mulleres xestantes e/ou lactatnes con fillas/os menores de tres anos.
Estas subvencións están orientadas ás entidades privadas sen ánimo de lucro para a realización de programas de apoio a mulleres xestatnes e lactantes e con fillas/os menores de 3 anos, en situación de posible vulnerabilidade social e/ou laboral, e dirixidos a evitar a exclusión destas mulleres promovendo accións para o seu desenvolvemento persoal, familiar e laboral.
Son accións subvencionables por exemplo os programas de información sobre os recursos existentes, os de orientación, asesoramento e búsqueda de emprego ou de acompañamento social que inclúan, entre outras, medidas de apoio paicolóxico que permitan superar as cargas emocionais que poida provocar a situación de embarazo ou maternidade.
O prazo de presentación de solicitudes está aberto ata o vindeiro 6 de setembro.